Ռուսաստանի եւ ԱՄՆ-ի նախագահներ Վլադիմիր Պուտինն ու Բարաք Օբաման, G8-ի գագաթաժողովի շրջանակներում ունեցած բանակցությունների արդյունքում նախատեսում են երեք փաստաթուղթ ստորագրել՝ Լեռնային Ղարաբաղի հարցով համատեղ հայտարարությունն կընդունվի Ռուսաստանի, ԱՄՆ-ի եւ Ֆրանսիայի առաջնորդների կողմից: Այս մասին հայտնել է Պուտինի օգնական Յուրի Ուշակովը:

«100 տոկոսանոց վստահությամբ կարող եմ ասել, որ Օբաման, Պուտինն ու Օլանդը Լեռնային Ղարաբաղի հարցով հայտարարություն կընդունեն»,-ասել է Ուշակովը: 

Նրա խոսքով՝ ակտիվ մշակման փուլում են երեք ռուս-ամերիկյան փաստաթղթեր: Միաժամանակ նա չի հստակեցրել թե կոնկրետ ինչ փաստաթղթերի մասին է խոսքը:

Նշենք, որ G8-ի գագաթաժողովը տեղի կունենա հունիսի 17-18-ին: