Այսօր Ֆիլիպիններում խորտակված նավի անհետ կորած համարվող բոլոր 55 ուղեւորները փրկվել են: Այս մասին հայտնել է ցամաքային պահպանության ծառայության ներկայացուցիչը: 

«Ներկայումս հաստատվել է երկու  մարդու մահը, փրկվել են 55-ը: Ըստ փաստաթղթերի՝ նավի վրա եղել է 57 մարդ՝ 35 ուղեւորն եւ անձնակազմի 22 անդամ», - ասել է սպան: Նա նաեւ նշել է, որ նավաբեկության վայրում դեռեւս շարունակվում են որոնողափրկարարական աշխատանքները, քանի որ  նավում կարող էին լինել նաեւ չգրանցված ուղեւորներ, հաղորդում է ԻՏԱՌ-ՏԱՍՍ-ը: 

Հիշեցնենք, որ վաղ առավոտյան երկրի կենտրոնական հատվածի Մասբաթ նահանգի ափերում նավ էր խորտակվել:  Բացի ուղեւորներից նավը տեղափոխում էր նաեւ երկու ավտոբուս եւ բեռնաքարշակ: Ամենայն հավանականությամբ,  անհավասար տեղաբաշխումը դարձել է  նավի թեքվելու եւ խորտակվելու պատճառ, կարծում են Ֆիլիպինների փրկարարական ծառայությունում: