Գլխավոր էջ » 2013»Հունիս»18 » Renault-ն եւ Mitsubishi-ն քննարկում են համագործակցության հնարավորությունը
16:49
Renault-ն եւ Mitsubishi-ն քննարկում են համագործակցության հնարավորությունը
Ֆրանսիական Renault ավտոկոնցեռնը քննարկում է ճապոնական Mitsubishi-ի հետ համագործակցության հնարավորությունը, հաղորդում է Economic Times-ը` վկայակոչելով ֆրանսիական Le Figaro թերթը:
Ընկերության անանուն աղբյուրը թերթին հայտնել է, թե քննարկվում է համատեղ նախագծեր անելու հարցը Renault-ի եւ Mercedes-ի համագործակցության օրինակով: Ընդ որում, նա նշել է, թե այդ հարցում վերջնական որոշում դեռ չի կայացվել, քանի որ որոշ նրբություններ լրացուցիչ մշակման կարիք ունեն: Renault-ի, Mitsubishi-ի եւ Nissan-ի մասնակցությամբ մոտ 30 նախագծեր գտնվում են քննարկման փուլում:
Նշենք, որ Renault-ին է պատկանում ճապոնական Nissan-ի բաժնետոմսերի 43,4 տոկոսը, որն իր հերթին տիրապետում է Renault-ի բաժնետոմսերի 15 տոկոսին: Mitsubishi-ն իր հերթին ամենագանցներ է արտադրում ֆրանսիական PSA ալյանսի հետ:
