Ծրագրեր

Գլխավոր էջ » Ֆայլեր » Օգտակար

Վերջ խառնաշփոթին: Երգերը իրենց անուններով ու նկարներով

	17.06.2013, 10:28
Երևի պատահել են դեպքեր, երբ երգ եք լսում համակարգչով ու այդ երգի վերնագիրն է Unknown Track, երգիչի անունն է Unknown Artist, ալբոմի անունն է Unknown Albom, իսկ երգի նկարի տեղը ցույց է տալիս երգի հետ բոլորովին կապ չունեցող լուսանկար: Դեռ համակարգչի մեջ մի կերպ կարելի է համակերպվել, բայց երբ այդ երգերը տեղադրում ենք հեռախոսի մեջ, ապա սկսվում է քաոս: Այսօր կփորձենք վերջ տալ այդ քաոսին մի քանի պարզ հնարքներով: Երևի կռահեցիք, որ խոսքը երաժշտական ֆայլերի Tag-երի մասին է: Tag-ը իրենից ներկայացնում է որոշակի տվյալների խումբ, որոնք կցվում են երաժշտական ֆայլերին` դրանց մասին լրացուցիչ ինֆորմացիա հաղորդելու համար: Քանի որ երաժշտական ֆայլերի մեծամասնությունը ներբեռնվում են ինտերնետից, ապա կարելի է ենթադրել, որ դրանց tag-երը բոլորովին էլ չեն համապատասխանում իրենց նպատակին: Յուրաքանչյուր օգտագործող կարող է այդ Tag-երը փոփոխել ու իր ցանկացած ինֆորմացիան գրել: MedioMonkey ծրագիրը իրենից ներկայացնում է երաժշտական գրադարան, որի մեջ ներառված է ֆայլեր նվագարկելու, ֆայլերի ֆորմատներ փոփոխելու, սկավառակների վրա ֆայլեր ձայնագրելու և իհարկե ֆայլերի Tag-երի հետ աշխատելու ֆունկցիաներ: Ընդ որում Tag-երը կարելի է փոփոխել նաև ավտոմատ, այսինքն եթե գիտենք երգի անունը, կամ եթե երգի Tag-ի մեջ գրված են որոշակի կիսատ տվյալներ, ապա ծրագիրը կարող է ավտոմատ ինտերնետից ներբեռնել երգի մասին ամբողջ ինֆորմացիան` ներառյալ երգի ալբոմի լուսանկարը: Երգի Tag-ի ինտերնետից ներբեռնելու համար հարկավոր է կատարել հետևյալ գործողությունները: 1.Ներբեռնեք MediaMonkey ծրագիրը այստեղից: 2.Բացեք երաժշտական ֆայլ MediaMonkey ծրագրով: 3.Աջ կողմում գտնվող Playlist-ից ընտրեք տվյալ երգը ու մկնիկի աջ կոճակով սեղմել դրա վրա: 4. Բացված մենյույում ընտրեք Auto Tag From Web 5. Եթե երգի մասին որոշակի ինֆորմացիա կա նախնական Tag-ում, ապա բացված պատուհանում գրվում է այդ ինֆորմացիան և ծրագիրը փորձում է գտնել երգի մասին ինֆորմացիան նախնական ինֆորմացիայի հաշվին: Իսկ եթե չկա, ապա կարող եք ներմուծել երգի մասին Ձեր իմացած տվյալները (երգի անուն, երգիչի անուն) ու սեղմել փնտրել: 6. Եթե փնտրումը արդյունք չի տալիս, փորձեք փնտրել այլ սերվերում բացված պատուհանի options կոճակը սեղմելով: 7. Սեղմեք Auto Tag կոճակը ինֆորմացիան ներբեռնելու համար: Վերջում մնում է ավելացնել, որ եթե ձեր երաժշտական ֆայլի Tag-ը այժմ պարունակում է ամբողջական և հավաստի տվյալներ տվյալ ֆայլի մասին, ապա կարող եք երգի նվագարկելու ընթացքում ձեր էկրանին տեսնել երգի բառերըMiniLyrics ծրագրի շնորհիվ, որի մասին արդեն խոսել ենք:
1 2 3 4 5 Կատեգորիա: Օգտակար \| Ավելացրեց: Artur14
Դիտումներ: 273 \| Բեռնումներ: 0 \| - Վարկանիշ -: 0.0/0