Mozilla Firefox ինտերնետ դիտարկչի 20-րդ տարբերակը արդեն հնարավոր է ներբեռնել պաշտոնական կայքից: Ծրագրում կատարվել են մի շարք փոփոխություններ ու ավելացել են նոր ֆունկցիաներ: 20-րդ տարբերակում փոխվել է ներբեռնումների պատուհանը: Այժմ պլագինների կախվելու դեպքում այլևս կարիք չի լինի վերաթողարկել ծրագիրը: Փոխվել է նաև «Գաղտնի ռեժիմ»-ը. հնարավոր է ամբողջ ծրագրի փոխարեն միայն մի պատուհանի համար միացնել այդ ռեժիմը:
Ավելացել է նաև getUserMedia API-ին դիմելու հնարավորություն, որը թույլ է տալիս օգտվել համակարգչի միկրոֆոնից և տեսախցիկից: 20-րդ տարբերակում կատարվել են մի շարք ներքին ծրագրային բարելավումներ:
